അഴിമതിക്ക് എതിരെ പരാതി നല്കിയതിന് അധ്യാപികയ്ക്ക് അച്ചടക്കനടപടി - മന്ത്രിക്ക് നല്കിയ പരാതിയിലെ തുടര്നടപടികള്
അഴിമതിക്ക് എതിരെ പരാതി നല്കിയതിന് നിരന്തര ശല്യക്കാരി എന്ന് മുദ്രകുത്തി പട്ടാമ്പി ഗവ:ഹൈസ്കൂളിലെ പ്രഷീജ എന്ന അധ്യാപികയെ, പരാതി നല്കുന്നതില് വിലക്ക് കല്പ്പിച്ച് പാലക്കാട്, ഡി.ഡി.ഇ അച്ചടക്ക നടപടികള് സ്വീകരിച്ചത് സംബന്ധിച്ച് വിദ്യാഭ്യാസ മന്ത്രിക്ക് ഞാന് നല്കിയ പരാതിയുടെ അടിസ്ഥാനത്തില്, ഇന്നലെ പൊതുവിദ്യാഭ്യാസ വകുപ്പ് അണ്ടര് സെക്രട്ടറി ശ്രീ അനീഷ് ടി നടത്തിയ ഹിയറിംഗില് പങ്കെടുത്തു. പട്ടാമ്പി സ്കൂളിലും സമാനമായ രീതിയില് മറ്റ് സ്കൂളുകളിലും നടക്കുന്ന നിരവധി നിയമലംഘനങ്ങള് അദ്ദേഹത്തെ ധരിപ്പിച്ചു. ഇക്കാര്യങ്ങള് മന്ത്രിയുടെ ശ്രദ്ധയില് പെടുത്താമെന്നും പട്ടാമ്പി സ്കൂളിലെ ക്രമക്കേടുകള് സംബന്ധിച്ച് എത്രയും വേഗം റിപ്പോര്ട്ട് സമര്പ്പിക്കാമെന്നും അദ്ദേഹം ഉറപ്പ് നല്കി. സ്കൂളിലെ രക്ഷിതാവ് കൂടിയായ ശ്രീമതി പ്രഷീജ രക്ഷിതാവ് എന്ന നിലയില് സ്വന്തം വിലാസത്തില് പരാതികള് നല്കിയിരുന്നത്. എന്നിട്ടും അധ്യാപികയെന്ന നിലയില് നിരന്തരമായി കഴമ്പില്ലാത്ത പരാതികള് നല്കുന്നു എന്ന് പറഞ്ഞാണ് അവര്ക്കെതിരെ അന്നത്തെ ഡി.ഇ.ഒ, ഡിഡി.ഇ എന്നിവര് ചേര്ന്ന് വിലക്ക് കല്പ്പിച്ചിരുന്നത്. പിന്നീട് പട്ടാമ്പി സ്കൂളി